2012/03/11

Kalabaza ogia

Sarrera hau Doniene berri baserriko Mirian eta Nereari eskeintzea nahiko nieke. Eurek dira barazkia ekartzen digutenak eta ogi honek duen kalabaza eurena da.
Kontsumo kooperatiba bateko partaidea izanda eta laneko kide batzuk baserritarrak badira, ba azkenean normalena hozkailua barazkiz beteta eukitzea izaten da. Otarran denetik izaten dugu, dena goxoa, eta zerbait arraro samarra badago errezetak ta dena ematen dizkigute :)
Horraino ondo, baina jakina!!, norbait ez dakit zenbat kiloko kalabaza batekin badatorkizuuuu, zer egin? Ba ogi bat edo gehiago, noski!!!
Alemaniako blogetatik buelta bat eman eta honek atentzioa deitu zidan. Moldaketa txiki batzuk egin, ta aurrera!!

Osagaiak:
  • "Los Pisones" galirin txuri ekologikoa 375 gr. (100 gr. ama orean)
  • "Rincón del Segura" galirin integrala 75 gr.
  • "Rincón del Segura" zekale integrala 75 gr.
  • "Rincón del Segura" zekale txuria 75 gr.
  • Ura 425 gr. (100 gr. ama orean)
  • Ama orea 200 gr.
  • Gatza 12 gr.
  • Kalabaza gurutzatua -potimarron/vif d´étampes- xerra fin eta estutan moztua, 275 gr.
  • Piperbeltz beltza ehotu berria (sei ehogailu-ukitu)
Kalabaza eta gatza ezik, beste osagai guztiak katilu baten ipini, ondo nahasi, estali eta 45 minutu laga. Gatza gehitu, mahai gainera atera ta 5 minutu inguru oratu. Oso oso itsaskorra denez, olioaren laguntza ez zaizue batere gaizki etorriko. Pixkanaka pixkanaka kalabaza gehitzen joan dena ondo integratu arte. Katilua olioztatu, orea bertan sartu eta estali. Lehenengo hartzidura 21ºtan hiru ordu eta erdikoa eman nion, denbora horretan lau tolesdura emanez.
Katilutik atera, kirtena egiteko 50 gramoko zati bat kendu eta boleatu. Hamar minutu pasa ondoren, zati biei forma eman eta *hozkailuan gorde. Haundia banetoi baten barruan eta txikia tuper txiki baten.
*Etxean nengoen, baina ore biguna zenez bigarren hartzidura hozkailuan ematea erabaki nuen. Zergatik? ba ogiari kalabaza edo antzeko forma ematea nahi nuelako. Hain biguna egonda, mozketak ematerakoan zabaldu egingo zan eta forma galdu egingo zuen. Hozkailuan hotzarekin orea tentetu egingo zela pentsatu nuen, eta asmatu nuela esan dezaket.
Lau ordu pasa ondoren hasita zegoela ikusi nuen, hatzamarrarekin ikutu eta tente zegoenez labea martxan jarri nuen. 250ºtara ailegatu zenean, orea eta kirtena hozkailutik atera nituen.
Oreari mozketak eman, kirtena ondo pegatu eta barrura, baaaina ... istripu txiki bat izan nuen. Labean sartzerakoan kirtenak goikaldean jo zuen eta jausi egin zan, mekatxisss!!!!!!!
Lurruna sortu, hamar minutu pasa ondoren ura atera, tenperatura 200ºtara jaitsi eta 50-55 minututan eginda.
Gaur goizean moztu dut eta hor mamiaren argazkia. Hezea dago eta kriston zaporea du, oso ona.
Hurrengoa, honen antzekoa egingo dut.

On egin!!!
Muxu bana.



4 comentarios:

  1. Juantxo no conocía esa variedad de calabaza, aquí se cultivan básicamente dos variedades, en este link se puede ver una de las más comunes
    http://www.therosarosae.com/search/label/Hortalizas y luego está la de cacauet, menos dulce, por lo que es muy apropiada para purés y salsas.
    Piperbeltz beltza ehotu berria (sei ehogailu-ukitu)¿me lo puedes traducir?
    Muxu bana

    ResponderEliminar
  2. Aupiii Roser,
    La potimarron debe venir de la isla de Hokkaido, y la otra por el nombre me imagino que sera francesa. La que nos meten en la cesta debe ser un híbrido de ambas, lo consulte con las del caserío y eso es lo que me dijeron.
    Traducción: pimienta negra recién molida (seis toques de molinillo)

    Petons

    ResponderEliminar
  3. Juantxitoooo!!!
    Ederra lana ta ederra ogia :-)
    Riko, riko y con fundamento!!!
    Mila esker esteka ipintzearren guapin.
    Muxu haundiiiiiaaaaaa

    ResponderEliminar
  4. Aupiii Teba,
    Lana ematen du "kabroiak", oso oso itsaskorra baita, baina duda barik merezi du. Ze ona dagoen!!! Hurrengoa zuk egindakoaren erara egiteko asmoa dut, zurearen kolorea asko gustatu zitzaidan eta. Ez dago ezer eskertu beharrik guapa.

    Muxu haundi bat zutzat ere.

    ResponderEliminar