2012/01/06

Errege erroskoa (prefermentoarekin)

Aspaldi ezer argitaratu barik eta gaur, errezeta hau argitaratzeko egun aproposena iruditu zait ;)
Ama orearekin eginda neukan, baina oraingoan zerbait azkarragoa (ikastaroa) behar genuenez, legami freskoa erabili genuen.
Froga goxo batzuen ondoren, hemen gaurko emaitza.
Prefermentoa egiteko osagaiak:
  • Harimsa markako indar irina 90 gr.
  • Legami freskoa 2 gr.
  • Esne erdigaingabetua 55 gr.
Infusioa egiteko osagaiak:
  • Esne erdigaingabetua 65 gr.
  • Limoi eta laranja azal zatiak.
  • Kanela-zotza zatitxo bat.
  • Azahar 15 gr.
  • Ron 25 gr.
Orea egiteko osagaiak:
  • Harimsa markako indar irina 260 gr.
  • Legami freskoa 8 gr.
  • Prefermentoa
  • 2 arrautz "M"
  • Azukrea 75 gr. beteta zihoalako, bestela 100 gr.
  • Infusioa 50 gr.
  • Laranja eta limoi azal birrindua
  • Gurina 70 gr.
  • Gatz pittin bat.
Apaintzeko:
  • Arrautza bat orea margotzeko.
  • Fruta antzigartuak.
  • Almendrak ...
  • ... edo, nahi dan guztia.
Nola egin prefermentoa:
  • Bol baten irina ipini.
  • Legami freskoa gehitu eta irinaren laguntzaz desegin.
  • Esnea bota eta pixka bat oratu.
Egin ondoren, giro tenperaturan (18/20ºtan) bost ordu eta erdi egon da.

Nola egin infusioa:
  • Lapiko txiki baten esnea, kanela-zotza eta zitrikoen azalak irakiten ipini, baztertu.
  • Epeltzen denean ron eta azahar gehitu eta gorde.
Nola egin orea:
  • Bol baten irina, legamia, prefermentoa, arrautzak, zitrikoen azal birrinduak eta infusioa (50 gr.) ipini eta ondo nahastu.
  • Ondoren azukrea gehitu eta oratu pixkat dena ondo integratu arte.
  • Gurina eta gatza gehitu eta frantses teknika erabiliz ondo oratu (ordu erdi inguru).
Olioztatutako bol baten sartu eta estali.

Lehenengo hartzidura, 26ºtan, ordu eta erdikoa egin du.
Ondoren boletik atera, gasgabetu, boleatu eta 10/15 minututako atsedenaldia eman.

Nola formatu:
  • Atzamarrak ondo irineztatu, eta orearen erdi erdian eta goitik behera bi atzamar sartu.
  • Atzamarrak biratuz zuloa geroz eta handiagoa egin.
  • Ahal denean esku osoa sartu, orea airean jaso eta bi eskuekin bueltak emanez nahi den neurriraino zabaldu.
  • Labeko paperaren gainean ipini eta arrautzarekin margotu.
Bigarren hartzidura, 26ºtan, ordu eta erdikoa egin du.
Labea 220ºtara piztu eta tenperatura hortara heltzen ari denean orea margotu, apaindu, labera sartu, tenperatura 200ºtara jaitsi eta 17 minutu inguruan egina dago. Egina dagoen edo ez jakiteko, galtzorratz bat sartu eta garbi ateratzen bada, egina dago.
Normalean ez dugu betetzen baina gaur loibak horrela eskatuta, esne-gain harrotuaz bete dut. Ona zegoen, oso ona. Zegoen, bai.

Muxu bat.

9 comentarios:

  1. maisu itxura bikaina deko, nik ere ein dot eta primeran geratu da, ez dakizu zelako arrakasta eukin dauen..........bueno, fijo zuk ere etxekoak harritu dozuzala

    ResponderEliminar
  2. Estupendo roscón, Juantxo. Veo que has utilizado harina harimsa ¿has notado diferencias con tu harina habitual?. La miga se ve suave y alveolada.
    Petons

    ResponderEliminar
  3. Aupa intxaurtsu,
    Zureak zelako arrakasta izan duen ez dakit, baina nire etxean izan duena ikusi ondoren, imajinatu imajinatzen dot bai ;)

    Muxu bat

    ResponderEliminar
  4. Aupa Roser,
    Hasta ahora solo había usado harina del Rincón del Segura para hacer roscones, incluso con masa madre. La de Harimsa no es una harina que me entusiasme pero en este caso la he usado y la razón es la siguiente. El curso que dimos Teba y yo en Ereño (Bizkaia).
    Decidimos usar esa porque los participantes en el curso no iban a tener problemas para conseguirla, no ha habido ninguna otra razón.
    Como me quedaba un poco de harina y también algo de la infusión pues me he currado este roscón.
    De todas maneras teniendo en cuenta los ingredientes que llevan estas masas dulces, mi pregunta es la siguiente. Merece la pena usar harinas de mas calidad en cuanto a sabor?
    En panes prefiero usar harinas de mayor calidad en cuanto a sabor, en el roscón no le doy mayor importancia.
    La miga esta perfecta y el alveolado depende del desgasado que le metas.
    Que te gusta mas alveolada, desgasificas menos y con mas cuidado. Si la quieres menos alveolada, dale un buen tute ;)

    Petons i feliç any nou.
    Muxuak eta urte berri on.

    ResponderEliminar
  5. Juantxo, ados nago zurekin, harimsa irina ogia egiteko erabili nuen eta emaitza ez zait asko gustatu, zaporerik faltagatik. Baina errege erroskoia prestatzeko froga egin dut eta goxo-goxo geratu zait, argi dago erroskoiari beste osagaiek ematen diotela zaporea.
    Beste gauza bat, zorionak zure weborrialde interesgarriagatik, beti oso gustora irakurtzen dut.

    ResponderEliminar
  6. Aupiii MaiteM,
    Hori da, erroskoarentzat nahikoa. Besteak, ogia egiteko gordeta ditut :)
    Mila esker eta pasau nahi duzunean.
    Portzierto, arto ogi dotoria egin duzuna ;)

    Muxu bat.

    ResponderEliminar
  7. Zelako poza gaurkoa! Zure bloggan kuxkuxeatzera sartu naiz eta bi sarrera berri aurkitu ditut, gainera bata panettonerena da eta aste honetan nik ere prestatu ditut. La politta ezta?
    Mila esker Juantxo piropoagatik. Kasualitatez, badaukazu arto-irinarekin egiteko hemengo errezetarik?

    Muxu bat
    Maite

    ResponderEliminar
  8. Aupiii MaiteM,
    Panettonearena asko gustatu zait. Lana ematen du baina merezi duela esango nuke, joe merezi duela. Ze ona!!!
    Piropoa? ez da piropoa, egi hutsa baizik ;)
    Artoirinarekin egindako ezagutzen dudan hemengo errezeta bakarra, taloarena da. Foroan jarri nuen.
    Boronarena gutxi gorabehera, horren berdina edo antzekoa izan daiteke, askoz lodiagoa baina ezin dizut ziurtatu.
    Eta azkenik, morokila. Morokila, ahi lodi bat da eta esne beroarekin jaten da.
    Arto-irina eta galirina nahastuta ogi dotorea egin dezakezu. Blogean errezeta (Txakinarto eta gari ogia) bat daukazu, mundiala, oso oso ona.
    Gomendio bat, Gamiz-Fikara joan eta txakinartoa erosi. Kiloak 6€ balio ditu baina ez zara damutuko.

    Muxu bat.

    ResponderEliminar
  9. Mila esker Juantxo. Nahi nuena boronarena zen, momentuz Larrabetzuko irina pasatuko didatenez horrekin hasiko naiz, baina zure gomendioa kontuan hartuko dut hurrengoetarako.
    Ondo izan

    Maite

    ResponderEliminar